نوحه ای پرچم حریتی | شاهین جمشیدپور

متن نوحه ای پرچم حریتی

ای پرچم حریّتی ساخلیان سردار

ای کاروان وحدته قافله سالار

مشکلده قالسام ایلرم آدیوی تکرار

قربان اولوم سن تک فدا کاره یا عباس

یا باب الحوائج

ای حق مناسینده گیین قانلی احرامی

گزدون یارالی باشیله کوفه و شامی

حفظ ائتدی ایثارون سنون دین اسلامی

اولدی نشان عمرون گُلی خاره یا عباس

یا باب الحوائج

نوحه ای پرچم حریتی | شاهین جمشیدپور

كوی محبتده هانی .سن كیمی جانباز

عشق عالمینده آلموسان رتبه ممتاز

هاردا آدون سسلنمیشم گورموشم اعجاز

ائتمه اردات قیدیمی پاره یا عباس

یا باب الحوائج

آند اولوسون آننوندا اولان زخم پیكانه

بیر تار مویون وئرمرم تخت شاهانه

قانلی گوزون یاد ایلوب گلّم افغانه

دگدی سنه اغیاریدن یاره یا عباس

یا باب الحوائج

آتدان دوشده سسلدون عالمین یارین

گلدی غریب كربلا تاپدی سردارین

قانلی جبینونده ئ.پ.ب سجده آثارین

باتدی یوزی ثاراللهین ثاره یا عباس

یا باب الحوائج

سسلندی ای آرخام ائلیم آچ گوزون قارداش

تاراج اولوب تاب دلیم آچ گوزون قارداش

قارداش جانی سیندی بئلیم آچ گوزون قارداش

چاره آزالدی گلمیشم زاره یا عباس